• To make this place safe and authentic we allow only registered members to participate Registration is easy and will take only 2 minutes of your time PROMISE

ایس بنیرے کاں نہ بولے

Inam Ullah Maan

New Member

ایس بنیرے کاں نہ بولے
توں نہیں آوندا تاں نہ بولے

فیر عادل دا چرچا کاہدا
جے کر آپ نیاں نہ بولے

نال مرے بس اوہ پیا بولے
بھاویں کُل گراں نہ بولے

اوہ بہار ایس جوہے آوے
جہدے نال خزاں نہ بولے

دھپاں نوں کیہ روکا ٹوکی
نال مرے جے چھاں نہ بولے

اوہدا آون اڈیک وی سفنا
جہڑا کول گیاں نہ بولے

چپ رہواں تے شکوے کردا
اوہنوں واج دیاں نہ بولے

اس دا جگ تے جینا کاہدا
جس نال اوہدی ماں نہ بولے

انعام اللہ ناصر مان
صوبائی رابطہ سیکرٹری دل دریا پاکستان رجسٹر
 
Top